AVAKOTEPA: AVAÑE’Ẽ KO’ÃGAGUA OJEPURUHÁICHA TETÃ PARAGUÁIPE

Ko tembiapo rupive rohechaukáta mba’éichapa oho tenonderãme ko proyecto de investigación- AVAKOTEPA pegua. AVAKOTEPA rupive oñeñeha’ãta oñembyaty Guarani ñe’ê ojeipurúva ko’ága peve, ojeguereko haguáicha techapyrãramo ha oñemoî haguâ científico ha maymave tapichakuéra jehupytyrâme, oikuaave ha ojehekombo’eve haguã Guarani ñe’ême. Upeva’erã ojeguerekóta peteî Plataforma informática-rehegua, oîtaháme Guarani ñe’ê, ojekuaa ha oñemoambue haguã Internet rupive. Guarani ñe’ê ñembyaty oñemohendáta mokõi hendáicha: 1- oñeñe’ê rupive (Corpus oral), CORACON, ha aranduka rupive (Corpus textual) COTRACON, upéicha rupi ojeguerekóta peteî pyenda jeroviapy ojehekombo’esévape guarã Guarani ñe’êre, taha’e lingüístico, lexicológico térã terminológico rehegua. Iporã avei ojehechakuaa ko proyecto rupive, ndaha’éiha katuete ojehecharamótava Guarani cultura ramo, ojejapógui upe ñembyaty imba’e tee rehegua, ága katu oipytyvôvéta ñeikûmby porãve haguã umi oîmava chugui jeheka ha ñembo’e rupive Guarani ñe’ê hekópete.